ASUS şirkəti yeni oyun kompüterini təqdim edib. CG8350 adlanan bu yeni model ikinci nəsil Intel Core Sandy Bridge prosessoru ilə təchiz edilmişdir.

Daha Az Enerji Sərfiyyatı

Qurğu ASUS istehsalı olan ana plata və ümumi enerji sərfiyyatını azaldan EPU (Energy Processing Unit) bloku ilə təchiz edilmişdir.

Xarici görünüş baxımından, CG8350 oyun kompüteri qara korpusu ilə diqqəti dərhal özünə cəlb edir.

CG8350 Oyun Kompüterinin Texniki Göstəriciləri

4-nüvəli Intel Core i7-2600 prosessoru;
ASUS GeForce GTX 460 videokartı;
Çoxformatlı kard-rider;
USB 3.0. portları.

Yeni model haqqında daha ətraflı məlumat verilmir.

Satış Nə Zamandır?

ASUS şirkəti CG8350 oyun kompüterini nə zaman və hansı pərakəndə satış qiymətinə istehlakçılara təqdim edəcəyini hələ ki, açıqlamayıb.