*1*Vitamin nədir?
Vitaminlər sağlamlığımız, həmçinin orqanizmdə maddələr mübadiləsinin normal fəaliyyəti üçün lazım olan maddələrdir. Vitaminlər əsasən iki qrupa ayrılır:suda həll olan vitaminlər və yağda həll olan vitaminlər. Suda həll olan vitaminlərə C,N və B qrupu vitaminləri, yağda həll olan vitaminlərə A,D,E və K vitaminləridir.

*2*Orqanizm üçün lazım olan bütün vitaminlərin hamısını qidalardan almaq mümkündürmü?
Əlbətdə. Tərkibində kifayət qədər protein, yağ və karbohidrat olan qidalar bəzi istinalar olmaqla orqanizmi vitaminlərlə də təmin edir.

*3*Vitamin itkisinə səbəb olan əsas amillər hansılardır?
Ümumiyyətlə, istilik, hava və işıq kimi amillər yağda həll olan vitaminlərdə vitamin itkisinə səbəb olur. Ancaq suda həll olan vitaminlərdə, qismən də olsa, vitamin itkisinə səbəb olur. Bu baxımdan, vitaminlər arasında ən həssas vitamin C vitaminidir.

*4*Vitamin çatışmamazlığına səbəb olan amillər hansıdır?
Vitamin çatışmamazlığının əsas səbəbləri bunlardır:kifayət qədər qidalanmama,düzgün qidalanmama(bura qidalanma ilə bağlı bəzi səhv vərdişləri də daxil etmək olar),dişlərlə bağlı problemlər və s. Yetkinlik dövrünə çatan uşaqlarda, siqaret çəkənlərdə, spirtli içki qəbul edənlərdə, hamiləlik və zahılıq dövründə ciddi infeksiyalarda, qızdırmalı xəstəliklərdə, həzm sistemində olan problemlərdə, ishalda və ya uzunmüddətli dərman müalicələrində də orqanizmin vitamin tələbatı artır.

*5*Vitaminlər köklüyə səbəb olurmu?
Yox. Çünki vitaminlərdə kalori yoxdur.





*6*Vitamin preparatları iştahanı artırırmı?
Orqanizmdə A,B1 və C vitaminlərinin çatışmaması iştahanın azalmasına səbəb olur və bu vitaminləri qəbul etməyə başladıqda iştahanın artmasına müşahidə olunur. Əgər sizdə vitamin çatışmazlığı yoxdursa, əlavə vitamin qəbul etməklə iştahanızı artıra bilərsiniz.

*7*Vitamin preparatlarını günün hansı saatında qəbul etmək məsləhətdir?
Vitamin preparatlarını günün hər hansı saatında qəbul etmək olar. Ancaq vitaminlərin hər gün eyni saatda qəbul edilməsi daha məqsədəuyğundur.

*8*İqlim və ya coğrafi şərait vitamin tələbatına təsir göstərirmi?
Bu əsasən D vitamini üçün xarakterikdir. D vitaminin əsas mənbəyi dəridir. Günəşsiz və havasız yerlərdə D vitamininə təlabatda çoxdur.

*9*Günəş şüası altında qalmaqla orqanizmin D vitamininə olan tələbatını ödəmək mümkündürmü?
Mümkündür. D vitamini skelet quruluşumuzun formalaşmasında və inkişaf etməsində mühüm rol oynadığı üçün körpələrin, uşaqların, hamilə və əmzikli qadınların D vitamininə ehtiyacı daha çoxdur. Hətta son tətqiqatlar yaşlılarda da D vitamininə tələbatın artdığını göstərir.

*10*Kök adamlarda da vitamin çatışmamazlığı mümkündürmü?
Əlbəttə. Kalorili qidalar əsasən vitamin baxımından kasıb olurlar. Buna görə də, kök adamlarda vitamin çatışmamazlığının olması təbiidir.