Əfsanə olmaq istəyən bizimlədi ...
Sənin musiqi zövqün ...
Fikrini bizimlə paylaş ...
Söhbətə qoşul, yeni dostlar tap ...
Mobil əyləncə dünyan ...
Description
20-ci əsrin dahi əxlaq ustadı Məliki Təbrizidən soruşdular: -Ağacan, görəsən bizim qıldığımız namazlar Qəbirdə bizi kömək edəcəkmi? Buyurdu: "Bunu bilmək çox asandır. Bax gör, əgər sübh namazı səni günorta namazınadək günahlardan saxlaya bilirsə, eləcə də zöhr namazı səni axşamadək və axşam namazı səni səhərədək günahlardan saxlaya bilirsə deməli bu namazlar səni qəbr evində əzabdan da saxlaya biləcək." (sitatın sonu)
Dostlar, baxın, adətən bostanlara və bağlara müqəvva (çuçilo) qoyurlar. Bağ sahibi müqəvvanı nə üçün qoyur? Ona görə ki, qurd-quş və heyvanlar onu görəndə elə bilsinlər ki, adam dayanıb, bağa girməsinlər. Mən uşaq olanda qonşuluğumuzda bir bağ vardı, Həsən dayı bağa müqəvva qoymuşdu. Bir dəfə həmin bağın kənarı ilə keçəndə gördüm ki, müqəvvanın üstünə qarğalar qonub və bir it də yerdə müqəvvaya söykənib oturub. Sanki qarğalar və it bu hərəkətləri ilə ev sahibinə gülürdülər ki, sən bizi bu cansız müqəvva ilə qorxutmaq istəyirsən?! Müqəvva cansız olduğu üçün heç qarğaları və iti də qorxuza bilmir.
Bizim namazlarımızda əgər xüzu (cismin Allahı hiss etməsi), xüşü (ruhun Allahı hiss etməsi), ixlaslı niyyət və sair yoxdursa, deməli bizim namazlarımızın ruhu və canı yoxdur. Cansız müqəvva qarğaları və iti qorxuza bilmədiyi və bağı qoruya bilmədiyi kimi, cansız və ruhsuz namaz da qəbr evində bizi əzabdan qoruya bilməz. Ona görə də namaza böyük əhəmiyyət verməliyik..
