Bir ömürdə mən yaşadım

 
Bir ömürdə mən yaşadım

Dünyanın
Təbiət geyibmiş gövhər donunu,
Hər otu nemətmiş, barmış dünyanın.
Deyirlər, bir zaman gözəl qanunu,
Namusmuş, qeyrətmiş, armış dünyanın.

Dövran niyə döndü, bilə bilmədim,
Ağladım, göz yaşım silə bilmədim.
Ğlmək istəsəm də, ölə bilmədim,
Amansız qanunu varmış dünyanın.

Bu həyat çevrilib oldu oyuncaq,
Qılıncdan kəsərli olubdur bıçaq.
Özünə şah dedi hər gəda, alçaq,
Alıcı tərlanı sarmış dünyanın.

Almada, heyvada tapılmır nübar,
Söyüd ağacıdı indi verən bar.
Sən demə, arxasız insana, dostlar,
Hər yeri boranmış, qarmış dünyanın.

Zülfüqar, kimlərə çaxmaq olmusan?
Kəsər qılınc ikən toxmaq olmusan.
Düzgünlü axtarıb, axmaq olmusan,
Getdiyin cığırı darmış dünyanın.


Amandı
Həkim, qoy bircə an qəlbim toxtasın,
Davaya-dərmana qaçma, amandı.
Ulaq palanına, dəvə noxdasın,
Bağlayıb, karvandan seçmə, amandı.

Ar-namus olarmı, vicdansız kəsdə?
Təbibi, loğmanı, eyləyər xəstə.
Dağ vurub, yaralı sinəmin üsdə,
Qövr edən yaramı açma, amandı.

Çeşmədən içməzlər, duru olmasa,
Bağa bağ deməzlər barı olmasa.
Kimin ki, rəhmətlik goru olmasa,
Kəfənlik şal-ipək biçmə, amandı.

Əsli olmayanın nəsli də olmaz,
Məcazı danışar, ürəkdən gülməz.
Yaxşılıq etsən də, qədrini bilməz,
Nadan içən sudan içmə, amandı.

Axtar mənasını müdrik sözlərin,
Ovçusu il ləpirlərin, izlərin.
Ay Zülfüqar, nələr gördü gözlərin,
Namərd bərəsindən keçmə, amandı.


Bilə-bilə
Qəza gəldi, duman kəsdi yolumu,
Bürüdü hər yanı çən, bilə-bilə.
Ömür getdi, bağladı əl-qolumu,
Açammadım onu mən, bilə-bilə.

Qənim oldu həyat adlı əjdaha,
Nə verdimsə, alammadım bir daha.
Hər gün ümüd etdim gələn sabaha,
Qəmli günlərimi şən bilə-bilə.

Bədən heydən düşdü, ürək döyündü,
Bu dövran qəddimi bükdü, öyündü.
Yollarım dar, kələflərim düyündü,
Getdmi dar yolları gen bilə-bilə.

Bilmədim qisası mən kimdən alım,
Dəymişə əl vurdum, töküldü kalım.
Göylərlə əlləşən, tərlan xəyalım,
Artıq köç vaxtıdır, en bilə-bilə.

Necə də tez düşdü başımın tacı,
Qurudu bəhrəli-barlı ağacı.
Zülfüqar, yetişdi ruhun meracı,
Şirin xəyallara dön, bilə-bilə.

Müəllif: Zülfüqar Zülfüqarov

Bir ömürdə mən yaşadım


Geri dön

PércyDarkMoon

  • 9 iyun 2014 16:10
  • Məqalə: 242
  • Şərh: 9512
  • Bal:
tewekkurler

--------------------

♔ Rapuиzel ♔

  • 3 iyun 2014 17:10
  • Məqalə: 333
  • Şərh: 7076
  • Bal:
{awards}
tewekkurler

--------------------

ヅ Bad Girl ヅ

  • 2 iyun 2014 19:59
  • Məqalə: 790
  • Şərh: 20236
  • Bal:
{awards}
Meqaleye gore tesekurler

--------------------
İnformasiya
Məqalələrə dərc olunan gündən etibarən 30 gün ərzində şərh yazmaq mümkündür.
 

Online

İstifadəçilər: 5
Qonaqlar: 64
Cəmi: 83

 

Top 10 Müəllif

The Shield
Xəbərləri: 68
Cəmi: 164
 
ραყιȥ
Xəbərləri: 64
Cəmi: 144
 
NIGAR
Xəbərləri: 57
Cəmi: 801
 
lamiye_2001
Xəbərləri: 40
Cəmi: 40
 
♔Hе важно∞
Xəbərləri: 37
Cəmi: 249
 
Nergiz__Sirinova
Xəbərləri: 30
Cəmi: 511
 
AyliN BunyaminovA
Xəbərləri: 24
Cəmi: 471
 
..::Kitty::..
Xəbərləri: 12
Cəmi: 12
 
Sol Meleyim
Xəbərləri: 4
Cəmi: 58
 
Limon qoxusu
Xəbərləri: 3
Cəmi: 9
 
 
{slinks}