Bu hədislər çox maraqlıdır...

 
Bu hədislər çox maraqlıdır...


Peyğəmbər (s.ə.s) buyurur: Ey Allah bəndələri! Bir-birinizə arxa çevirməyin, bir-birinizdən qırılmayın, bir-birinizlə qardaş olun. İki möminin bir-birindən küsməsi üç gündür. Əgər (üç gündən sonra) danışmasalar, bir-biriləri ilə kəlmə kəsməyənə qədər Allah onlardan üz çevirər.

* * *

İmam Əli (ə) buyurur: Kin bəsləmək eyiblərin ən pisidir.

* * *

Peyğəmbər (s.ə.s) buyurur: Din qardaşı ilə üç gündən artıq küsülü olmaq dlğru deyil. Üç gündən sonra onunla qarşılaşarsa, salam verib halını soruşmalıdır. O biri də salamı alarsa, birlikdə savaba çatarlar. Əgər salamı almazsa, günaha girər. Salam verən də küsülü durmağın məsuliyyətindən qurtulmuş olar.

* * *

Peyğəmbər (s.ə.s) buyurur: Bir-birindən küsülü olan iki adamdan kim əvvəlcə salam verərsə, günahları bağışlanar. Salam verdiyi halda, qarşıdakı salamını almazsa, bu şəxsin salamını mələklər alar.

* * *

Peyğəmbər (s.ə.s) buyurur: Qeybət etməkdən çəkinin. O zinadan da pisdir. Çünki, zina edən tövbə etdikdə Allah onu qəbul edər, lakin qeybət edənin günahı qeybət olunan onu bağışlamadıqca bağışlanmaz.

* * *

Peyğəmbər (s.ə.s) buyurur: Meracda olduğumda bir qrup insana rast gəldim. Onlar dırnaqları ilə üzlərini və sinələrini cırırdılar. Cəbraildən onların kim olduğunu soruşdum. O, onlar insanların ətlərini yeyən (yəni qeybət edən) və onların eyiblərini danışanlardır - deyə cavab verdi.

* * *

Allahın Rəsulu (s.ə.s) buyurur: Qeybət nədir, bilirsiniz?. Səhabələr cavab verir: Ən yaxşısını Allah və Rəsulu (s.ə.s) bilər. Peyğəmbər (s.ə.s) deyir: Qardaşınızın xoşuna gəlmədiyini onun haqqında söyləməkdir. Səhabələrdən biri sual verir: Əgər söylədiyim xüsusiyyətlər onda varsa, onda necə?. Allahın Rəsulu (s.ə.s) buyurur: Əgər söylədiklərin varsa, qeybət etmiş olarsan, əgər yoxdursa, onda ona böhtan atmış olarsan.

* * *

Peyğəmbər (s.ə.s) buyurur: Dedi-qodu ilə məşğul olan Cənnətə daxil olmayacaq.

* * *

İslam Peyğəmbəri (s.ə.s) buyurur: Qəzəb imanı sirkə balı xarab etdiyi kimi xarab edər.

* * *

İmam Sadiq (ə) buyurur: Hər kim qəzəbini cilovlaya bilməsə, ağlına da sahib ola bilməz.

* * *

Həzrət Əli (ə) buyurur: Qəzəbdən çəkinin. Onun başlanğıcı dəlilik, sonu isə peşmançılıqdır.

* * *

Həzrət Məhəmməd (s.ə.s) buyurur: Mömini şad edən məni şad etmiş, məni şad edən isə Allahı şad etmişdir.

* * *

Həzrət Əli (ə) buyurur: Tövbə etmək qəlbləri paklayır, günahları yuyur.

* * *

Peyğəmbər (s.ə.s) buyurur: Müsəlmana hiylə quran bizdən deyildir.

* * *

Həzrət Əli (ə) buyurur: Məsləhət edən şəxs xətadan amanda qalar.

Bu hədislər çox maraqlıdır...


Geri dön

Darling

  • 8 mart 2018 18:12
  • Məqalə: 694
  • Şərh: 12527
  • Bal:
ALLAH RAZI OLSUM

--------------------
Həyat nə tamaşa,nə də bayramdır.Həyat çətin bir imtahandır.
İnformasiya
Məqalələrə dərc olunan gündən etibarən 30 gün ərzində şərh yazmaq mümkündür.
 

Online

İstifadəçilər: 2
Qonaqlar: 36
Cəmi: 111

 

Top 10 Müəllif

Yagmur_Gözlum
Xəbərləri: 4
Cəmi: 12
 
aytc.sza
Xəbərləri: 2
Cəmi: 281
 
The Shield
Xəbərləri: 1
Cəmi: 552
 
 
{slinks}