Konsert Azərbaycanın qədim, füsunkar təbiətli torpağı, ərazisinin böyük bir hissəsi erməni işğalı altında olan Ağdam rayonunun Quzanlı qəsəbə stadionunda keçirilib. Düşmənə yaxın ərazidə, çətin şəraitdə konsert verməyi özlərinə borc bilən müğənnilər problemlərə əhəmiyyət verməyərək, çıxışın öhdəsindən layiqincə gəliblər. Təbii ki, bu da müğənnilərin və kollektivin peşəkarlığından irəli gəlir.

Hər iki müğənni işğal altında olan torpaqlarımızın geri alınmasını və bu torpaqlarda konsert verməyi arzulayıblar.

Konsertdən sonra müğənnilər və “Doğma diyar” layihəsinin kollektivi Ağdamın Üçoğlan kəndində Röyanın babasının evinə gediblər. Həm müğənnilər, həm də kollektiv ağdamlıların qonaqpərvərliyindən razı qalıb.

Növbəti konsert avqustun 12-si Füzulidə baş tutacaq.