Zəlimxan Yaqubdan şeirlər

 
Zəlimxan Yaqubdan şeirlər

XƏLVƏT

Ulu Tanrım, nə gözəldi doğma yuva,
Xəlvət seçib bir qırağa çəkilmişəm.

Bu guşədə çıraq yanır, şam əriyir,
Ərimişəm, şam-çırağa çəkilmişəm.

Ən vəfalı iki dostum, sirdaşım var,
Bir qələmə, bir varağa çəkilmişəm.

Söhbətimin ləzzətini dadan bilər,
Elə bil ki, balam, yağa çəkilmişəm.

Yağı düşmən elə bilir mən ölmüşəm,
Kəfənlənib bezə, ağa çəkilmişəm.

Füzulitək dərd əlindən dağa çıxıb,
Qəlbimdəki göy yaylağa çəkilmişəm.

Zəlimxan Yaqubdan şeirlər

HEYF

Dünyanın ən ətirli
gülütək sevdim səni,
Heyf, hansı bağçada
solmamış bir gül qaldı?

Alışan ocaq kimi
bağrıma basdım səni,
Heyf, həmin ocaqdan
bircə ovuc kül qaldı.

Bütün sevdiklərimiz
qara torpağın malı,
Nə sevilən baxışlar,
nə sevən könül qaldı.

Zəlimxan Yaqubdan şeirlər

GÜL SƏNİN NƏYİNƏ GƏRƏKDİR, GÜLÜM?

Şairin sözünə yalandır demə.
Gül sənin nəyinə gərəkdir,gülüm?
Opən dodağı yox,oxşayan əli.
Gəl,gül də,çiçək də özümüz olaq,
Sən biraz ağılli,mən biraz dəli.

Gül sənin nəyinə gərəkdir,gülüm?
Sənin gülün mənəm,çiçəyin mənəm.
Güllü nağıllara getməsin ağlın,
Sənin həqiqətin,gerçəyin mənəm.

Gül sənin nəyinə gərəkdir,gülüm?
Hüsnün(m),gözəlliyin(m) dünyada təkdi.
Əgər sən varsansa bu yer üzündə,
Dünya başdan-başa güldü çiçəkdi.

Gül sənin nəyinə gərəkdir,gülüm?
Qoxla nəfəsimi,çiçəyə döndər.
Şairin sözünə yalandır demə,
Bütün yalannarı gerçəyə döndər.

Zəlimxan Yaqubdan şeirlər

BELƏ DÜNYA

A bostançı, bostanına güvənmə:
Dünya özü bostan əkən Dünyadı.
Ağlar qoyub anasını torpağın
Bərəkətini göyə çəkən Dünyadı.

Əyrisidə, doğrusuda yalandı,
Yolu kəsib, bəxti əldən alandı,
İlan kimi qıvrılandı, çalandı,
Leylək kimi tez-tez səkən dünyadı.

Sən ğöynəmə, özü çəksin dərdini,
Şeş versədə, gəl oynatma mərdini,
Yaşatmadı Nəsimi tək mərdini,
Baş aparan, zəhlə tökən Dünyadı.

Soraq itər, sirr gizlənər, söz batar,
Günəş doğar, əzizlənər - tez batar.
Ay Zəlimxan, diş tökülər, üz batar,
Qurduğunu bir-bir sökən Dünyadı.

Zəlimxan Yaqubdan şeirlər

GƏLƏCƏYƏM

Gələcəyəm, gözlə məni,
harda olsam gələcəyəm,
Qohum kimi, qonşu kimi,
qardaş kimi gözlə məni.

Bir-bir yada salacağam,
nələr olub, nələr keçib,
Ömür kimi, tarix kimi,
yaddaş kimi gözlə məni.

Sən özünü məndən ayrı
nə yetim bil, nə arxasız.
Arxa kimi, dayaq kimi
sirdaş kimi gözlə məni.

Həyatına gələmməsəm
ölümünə gələcəyəm,
Məzarımın başındakı
bir daş kimi gözlə məni.

Zəlimxan Yaqubdan şeirlər

ÖZ DASTANIMI YAZIB GƏLMİŞƏM

Ey qərib məmləkət, ey qürbət diyar,
Demə yollarımı azıb gəlmişəm.
Alna nə yazılıb, Allahım bilir,
Mən öz dastanımı yazıb gəlmişəm.

Köküm, çiçəklərim, tağım ordadı
Mən burda xəstəyəm, sağım ordadı.
Qayalı, bulaqlı, dağım ordadı,
Damlayam, qayadan sızıb gəlmişəm.

Özün bil, özgəyə bildirmə məni,
Ağlada-ağlada güldürmə məni.
Sən Allah, qürbətdə öldürmə məni,
Vətəndə qəbrimi qazıb gəlmişəm.

Zəlimxan Yaqubdan şeirlər

NAHAQ ENDIK O DAĞLARIN BAŞINDAN

Nahaq endik o dağların başından,
Gərək orda qal oğlu qal olaydıq.
Ömrümüzü gül ömrünə döndərib
Zirvədə qar, pətəkdə bal olaydıq.
Allaha tən, haqqa yardı zirvələr,
Yaranışdan dümağ qardı zirvələr.
Ömrümüzü ucaldardı zirvələr,
Nahaq endik o dağların başından.
Üfüqlərdə quş olmaq da gözəldi,
Şimşəklərə tuş olmaq da gözəldi,
Lap o yerdə daş olmaq da gözəldi,
Nahaq endik o dağların başından.
Ucalığı ölüm-itim haxlamır,
Peyğəmbərdi, qəlbində kin saxlamır.
Min il keçir, bir qayası laxlamır,
Nahaq endik o dağların başından.

Haqq evidi, hər daş otaq, hər kaha,
Salam verir dan yerinə, sabaha.
Təzə-təzə qovuşurduq Allaha
Nahaq endik o dağların başından.

Ruh paklaşır, yağan qardan ağ olur,
Can bərkiyir, saf poladdan sağ olur.
Dağ başında vallah adam dağ olur,
Nahaq endik o dağların başından,
Nahaq endik o dağların başından.

Zəlimxan Yaqubdan şeirlər

QAÇQINLIQ

Bu necə ömürdü, bu necə gündü,
Köhləndən aralı, yəhərdən qaçaq.
Meh başa həsrətdi, şeh də ayağa,
Düşmüşük axşamdan, səhərdən qaçaq.

Hanı o gülyanaq, o gül dostlarım,
Mənim can dostlarım, könül dostlarım.
Yanağı kül olmuş, a kül dostlarım,
Qaçaq, bu tüstüdən, zəhərdən qaçaq.
Hərəmiz bir səmtə, bir yerə qaçdıq,
Gah xeyrə qurşandıq, gah şərə qaçdıq.
Kənddən baş götürüb şəhərə qaçdıq,
Qorxuram indi də şəhərdən qaçaq.

Zəlimxan Yaqubdan şeirlər

HAMI BU ŞƏHƏRƏ DİPDİRİ GƏLİR

Şəhər dünyasıdı…
gündə meydana
ağıllısı çıxır,
dəlisi çıxır.
Hərənin bir cürə
nəfəs kəsəni,
Hərənin bir cürə
zəlisi çıxır.
Hamı bu şəhərə
dipdiri gəlir,
Hamının şəhərdən
ölüsü çıxır.

Zəlimxan Yaqubdan şeirlər

MƏNİMKİ SÖZ QƏSRİ, SÖZ QALASIDI

Yoxdu yaş qorxusu sevilənlərə,
Doxsanın içində, yüzün içində.
Ürəyin nə qədər arzuları var,
Nə qədər istək var gözün içində.

Nə naxış gərəkdi, nə zər, daşıma,
Tale yazdığını yazar daşıma.
Söz olsun yaraşıq məzar daşıma,
Siz məni basdırın sözün içində,
Mənimki söz qəsri, söz qalasıdı,
Söz Babək qalası, Bəzz qalasıdı.
Qalsa Zəlimxandan söz qalasıdı,
Yatanda kəfənin, bezin içində.

Zəlimxan Yaqubdan şeirlər

QƏBİRDƏN GƏLƏN SƏS

Dünyada ən rahat yer
qəbir evidir ancaq.
Vardı bir can borcumuz,
borcu verdik qayıtdıq.
Başımıza qaxmasın
xərcimizi çəkənlər,
Canımız bahasına
xərci verdik qayıtdıq.
Endik torpağın üstən,
düşdük torpaq altına.
Qalanı təslim etdik,
bürcü verdik qayıtdıq.

Zəlimxan Yaqubdan şeirlər


Geri dön

Aynure

  • 30 noyabr 2011 17:14
  • Məqalə: 118
  • Şərh: 436
  • Bal:
ela

H.o.S.t _ FaNaTka

  • 30 noyabr 2011 01:44
  • Məqalə: 11
  • Şərh: 1363
  • Bal:
{awards}
təşəkkürlər

--------------------
http://imgs.su/tmp/2012-03-09/1331317146-502.jpg

Alone angel

  • 28 noyabr 2011 19:53
  • Məqalə: 0
  • Şərh: 3094
  • Bal:
{awards}
gozel weirleri var.tewekkurler

--------------------
Eğer güven varsa bir kalpte; O kalpte sevgi de bulunur, dürüstlük de” !

Ada...07

  • 28 noyabr 2011 15:44
  • Məqalə: 46
  • Şərh: 2814
  • Bal:
{awards}
Xebere gore tewekkurler...

--------------------


sevgi heyatdir

  • 28 noyabr 2011 15:30
  • Məqalə: 0
  • Şərh: 44
  • Bal:
{awards}
seirleri cox sevirem,sairinden asili olmayaraq,sadece menasi olsun yeter.cox gozel seirleriydi.tesekkurler

--------------------
Iman baglarinin en mohkemi Allah ucun dostluq,Allah ucun dusmenlik,Allah ucun sevgidir!

.♣.Chrysalis.♣.

  • 28 noyabr 2011 15:20
  • Məqalə: 784
  • Şərh: 6329
  • Bal:
{awards}
Dünyada ən rahat yer
qəbir evidir ancaq.
Vardı bir can borcumuz,
borcu verdik qayıtdıq.
Başımıza qaxmasın
xərcimizi çəkənlər,
Canımız bahasına
xərci verdik qayıtdıq.
Endik torpağın üstən,
düşdük torpaq altına.
Qalanı təslim etdik,
bürcü verdik qayıtdıq.

--------------------
"Kimsəni yorğanın altında gözyaşlarınızı pijamanızın qoluyla siləcək qədər çox sevməyin"

_SVETLANA_777_

  • 28 noyabr 2011 15:10
  • Məqalə: 109
  • Şərh: 1536
  • Bal:
{awards}
TELLI YADIMA DUSDU TESEKKURLER

--------------------
<p></p>

Zoluwka

  • 28 noyabr 2011 15:08
  • Məqalə: 77
  • Şərh: 1207
  • Bal:
{awards}
BELƏ DÜNYA

A bostançı, bostanına güvənmə:
Dünya özü bostan əkən Dünyadı.
Ağlar qoyub anasını torpağın
Bərəkətini göyə çəkən Dünyadı.

Əyrisidə, doğrusuda yalandı,
Yolu kəsib, bəxti əldən alandı,
İlan kimi qıvrılandı, çalandı,
Leylək kimi tez-tez səkən dünyadı.

Sən ğöynəmə, özü çəksin dərdini,
Şeş versədə, gəl oynatma mərdini,
Yaşatmadı Nəsimi tək mərdini,
Baş aparan, zəhlə tökən Dünyadı.

Soraq itər, sirr gizlənər, söz batar,
Günəş doğar, əzizlənər - tez batar.
Ay Zəlimxan, diş tökülər, üz batar,
Qurduğunu bir-bir sökən Dünyadı.

--------------------
♀+♂=ღ

111_Shawmn Michaelais_111

  • 28 noyabr 2011 14:20
  • Məqalə: 250
  • Şərh: 1137
  • Bal:
{awards}
HAMI BU ŞƏHƏRƏ DİPDİRİ GƏLİR

Şəhər dünyasıdı…
gündə meydana
ağıllısı çıxır,
dəlisi çıxır.
Hərənin bir cürə
nəfəs kəsəni,
Hərənin bir cürə
zəlisi çıxır.
Hamı bu şəhərə
dipdiri gəlir,
Hamının şəhərdən
ölüsü çıxır.



Teşekkürler.sağ olun

--------------------


FLY TIME

  • 28 noyabr 2011 13:52
  • Məqalə: 51
  • Şərh: 2122
  • Bal:
{awards}
aydaaaa bu kiwi ne qeder daniwir,amma sirleri yaxwi olur...xebere gore twk......

_TUNAR_MAMEDOV_

  • 28 noyabr 2011 13:21
  • Məqalə: 671
  • Şərh: 4820
  • Bal:
{awards}
eziyyete gore twkler..

--------------------

ELIF

  • 28 noyabr 2011 12:40
  • Məqalə: 0
  • Şərh: 352
  • Bal:
{awards}
Tesekkur edirem.
seirleri cox xosduyuram,
xususi ile de Sevgiye aid seirleri,

--------------------
Alemlerin rebbi uca Allaha sonsuz sukurler olsun

BadZero

  • 28 noyabr 2011 12:10
  • Məqalə: 178
  • Şərh: 2544
  • Bal:
{awards}
Ku-ku,
Ku-ku! no

--------------------
Sənə "pissən" deyənlərə əhəmiyyət vermə.. Mənə də vaxtilə "anormalsan" deyənlər olmuşdu.. Mən də atomu parçalayıb onlara təqdim etdim...

~ Albert Einstein

Ku-ku

  • 28 noyabr 2011 10:48
  • Məqalə: 267
  • Şərh: 5318
  • Bal:
{awards}
edebiyyat xesdesi weirler icinde batassan saytdan biri cixmalidi ya yox(zarafat) xebere gore tewekkurler ay dosi wink

--------------------

Dinar Mamedova

  • 28 noyabr 2011 10:13
  • Məqalə: 772
  • Şərh: 1863
  • Bal:
{awards}
cox gozel seirlerdiiiiiiiiiiiii

--------------------
İnformasiya
Məqalələrə dərc olunan gündən etibarən 30 gün ərzində şərh yazmaq mümkündür.
 

Online

İstifadəçilər: 1
Qonaqlar: 28
Cəmi: 48

 

Top 10 Müəllif

Pıtırcık
Xəbərləri: 7
Cəmi: 386
 
Nergiz__Sirinova
Xəbərləri: 6
Cəmi: 332
 
Awk bir hayal
Xəbərləri: 4
Cəmi: 137
 
^^KuKuLKa^^
Xəbərləri: 2
Cəmi: 767
 
♦ ֆɛყмʊʀ ֆoռмɛZ ♦
Xəbərləri: 2
Cəmi: 1135
 
TacsizKRalica
Xəbərləri: 1
Cəmi: 1
 
evli.mutlu.cocuklu
Xəbərləri: 1
Cəmi: 1
 
anar2012
Xəbərləri: 1
Cəmi: 26
 
Mövlud Ağamməd
Xəbərləri: 1
Cəmi: 20
 
Zerif85
Xəbərləri: 1
Cəmi: 25
 
 
{slinks}