Rəhmətini ümid edərək,günahkar bir dillə;

ALLAH Azzə və Cəllə..Ya RəsulALLAH, Aləmlərə rəhmət həyatın keçir qəlbimizdən, Qəlbimizdən seyr edirik səni..

Budur.. Bir yaşındasan, Bəni Sad yurdundasan,

Sənə süd ana olmadı qadınlar

Buna görə incik buludlar

Bir damla yağış endirmir

Qıtlıq hökm sürür Bəni Sad yurdunda

Balaca bir bulud var səmada

Sənə aşiq…Ayrılmır başından

Və insanlar yağış duasında…

Hz. Həlimə qucağına götürür səni

Yer üzündə bir gölgelik... Səni günəşdən qorumaq üçün

Halbuki balaca bir bulud səmada.. Sənə məftun, sənə kilidli…

Və dua edən rahibin qucağındasan

Dünyalar gözəli gözlərinə baxır rahib

Qıtlığı da unudur, yağışı da, duanı da

Amma sən unutmursan

Uğruna canlarımız fəda o gözlərinlə səmaya baxırsan

O balaca bulud ilişir baxışlarına

Böyüyür, böyüyür…

Sonra nazlı, nazlı yağış damlaları enir buluddan

Lakin çoxusu bilmir yağışın yağma səbəbini

Çoxusu bilmir səni…


Altı yaşındasan..

Mədinəi Münəvvərə yolundasan

Yanında əziz anan və Ümmü-əymən

Yetimliyini hiss edirsən ata qəbirisitanlığında

Sonra yolda, Ebvada yetimlik qarşılayır səni

Məkkəyə anasız girirsən

Əbdülmüttəlib bir başqa sevir səni

Əbu Talib bir başqa sevir


Ya RəsulALLAH.. Məkkə uşaqları analarına səslənərlərdimi sənin yanında?!

Onlar ana dəyincə sən yerəmi baxardın?!

Məkkə küləkləri neçə gecə göz yaşlarını daşıdı Ebvaya

Neçə gecə ana deyə hıçqırdın?!

Əfəndim!

Sənin yerinə də ana dedik anamıza!

Sənin yerinə də ata dedik!


İyirmi beş yaşındasan..

Və tam fərqlisən

Kimsə sənə bərabər deyil

Şəfqət yayır qoxun

Güvən verir səsin

Sən Məhəmməd-ül Əmin' sin


Otuz beş yaşındasan..

Haydı gəl gözlətmə yar

İniltilər döyür qapısını göylərin

Haydı gəl gözlətmə yar

Sinəsi çatlayacaq Rəsul gözləyənlərin…

Haydı gəl ey Yar!

Nurdağına dəvət var..


Budur.. Qırx yaşındasan

Hira Nur dağındasan

Cəbrayıl enir göylərdən

Və nöqtə nöqtə hər yerdən salat, salam yüksəlir

Sən kainatın ürəyindən həsrətlə qopan " Ah! "san

Qaranlıq gecələrimizə səhərsən

Sən Nəbiyullahsan

Sən Həbibullahsan

Sən RəsulALLAHsan..